«Мимино» режиссёри Георгий Данелия вафот этди

Москвада режиссёр Георгий Данелия 88 ёшида вафот этди, деб хабар бермоқда «Новая газета».

Қайд этилишича, бу ҳақда нашрга режиссёрнинг оиласи хабар қилган.

Георгий Данелия 1930 йилнинг 25 август куни Тифлисда туғилган, кинорежиссёр, актёр, сценарийчи. СССР халқ артисти (1989 йил), СССР давлат мукофоти лауреати (1978 йил).

Г.Данелия «Мен Москва бўйлаб қадам ташлайман» («Я шагаю по Москве»), «Омадли жентельменлар» («Джентльмены удачи» - бадиий раҳбар), «Афоня», «Мимино», «Кузги марафон» («Осенний марафон»), «Кин-дза-дза!» каби машҳур фильмлар режиссёри эди.