Alisher Qodirov: «O‘zini hurmat qilgan odam 50 dollarni iqtisod qilish uchun yonib ketishi aniq bo‘lib turgan avtobusga o‘tirib, 50 daraja sovuqda yo‘lga chiqmaydi»

Foto: KUN.UZ
«Milliy tiklanish» demokratik partiyasi rahbari Alisher Qodirov Uzreport telekanalidagi ko‘rsatuvda migratsiya yuzasidan o‘z fikrlarini bildirdi.
«O‘zbekiston yaqin 20 yilda o‘z mehnat resurslarini ish bilan to‘liq ta'minlaydi desak, bu yolg‘on gap bo‘ladi. Biz o‘zimizni aldayotgan bo‘lamiz. O‘zbekiston iqtisodiy imkoniyatlarining o‘sish sur'atlari hamda mehnat resurslari, aholining ko‘payish darajasi bir-biriga mutanosib emas. Dunyoda mehnat resurslarining ortiqchasiga ega bo‘lgan davlatlar bor, O‘zbekiston shulardan bittasi. Aynan shu nuqtai nazardan kelib chiqqan holatda, biz ushbu masalaga mas'ul bo‘lgan vazirlik va idoralarning ishga yondashuv shaklini tubdan o‘zgartirishimiz kerak. Bugun mehnat resurslarini eksport qilishning samarali tizimi haqida bosh qotirishimiz shart.
Bugun buning atrofida juda ko‘p gaplar bo‘lyapti: sharoit yaratish, ular holidan xabar olish. Bular masalaga yechim emas. Biz bugun yaqin atrofdagi mamlakatlarda qanday mehnat resurslariga talab bo‘lishi mumkinligi, ularni qanday shaklda o‘sha joyga olib borib, sharoitlari, haq-huquqlari ta'minlanadigan holatda ishga joylashtirishning samarali tizimi haqida o‘ylashimiz shart», - dedi u.
Alisher Qodirovning aytishicha, parlamentlar parlamentlararo uchrashuvlarda xorijiy davlatlarda yashayotgan fuqarolar huquqlarini ta'minlash masalalarini muhokama qilishi zarur.
«Biz maktabda bolalarni birinchi navbatda o‘zini hurmat qilishga o‘rgatishimiz kerak. O‘zini hurmat qilgan odam til bilmagan joyga ish qidirib bormaydi, o‘zini hurmat qilgan odam 50 dollarni iqtisod qilish uchun yonib ketishi aniq bo‘lib turgan avtobusga o‘tirib, 50 daraja sovuqda yo‘lga chiqmaydi. Aynan shuning uchun biz aytayapmiz: insonni birinchi o‘rinda o‘zini hurmat qilishiga erishishimiz kerak», - dedi Alisher Qodirov.
Tavsiya etamiz
Husanov nega o‘ynamayapti?
Sport | 10:00 / 01.05.2025
No Partey, no party. «Arsenal» nega yutqazdi?
Sport | 13:50 / 30.04.2025
Fuqarolarga yoshga doir pensiyani tayinlash tartibi yengillashtirilyapti
O‘zbekiston | 11:37 / 30.04.2025
Toshkentda avtobuslar konditsioneri qachon yoqiladi?
O‘zbekiston | 20:40 / 29.04.2025
So‘nggi yangiliklar
-
Tailandda Sibir kuydirgisidan birinchi o‘lim holati qayd etildi
Jahon | 23:57 / 02.05.2025
-
Balida blekaut yuzaga keldi
Jahon | 23:18 / 02.05.2025
-
2 may yangiliklari: O‘zbekistonda ro‘y bergan muhim voqea va hodisalar
O‘zbekiston | 22:47 / 02.05.2025
-
Saida Mirziyoyeva AQSh Mustaqilligi kuni munosabati bilan tashkil etilgan qabulda ishtirok etdi
O‘zbekiston | 22:25 / 02.05.2025
Mavzuga oid

19:04 / 15.04.2025
Tashqi ishlar vaziriga xorijdagi o‘zbekistonliklarning himoyasi borasida parlament so‘rovi yuborildi

18:01 / 11.04.2025
“Oqibatlari og‘ir bo‘ladi” - Alisher Qodirov internetdagi “axborot loyihalari” haqida

11:18 / 23.03.2025
«Chunki puli tugaydi» - Alisher Qodirov saylovdan keyin partiyalar jim bo‘lib qolishi haqida

16:14 / 31.01.2025