Kim Chen Inning singlisi Janubiy Koreyaga boradi – OAV

Foto: Reuters

Shimoliy Koreya yetakchisi Kim Chen Inning singlisi Kim Yo Chjon yaqin vaqt ichida Janubiy Koreyaga yo‘l oladi. Bu haqda «Ryonxap» rasmiy shaxslarga asosan xabar bermoqda.

Ta'kidlanishicha, Kim Yo Chjon Seulga tashrif buyuradigan yuqori mansabli amaldorlar delegatsiyasi a'zosiga aylanadi.

Agentlik ma'lumotlariga ko‘ra, KXDR Oliy xalq yig‘ilishi raisi va Shimoliy Koreya rasmiy rahbari Kim Yon Nam boshchilik qiladigan delegatsiyadan 22 kishi o‘rin oladi.

Avvalroq, Janubiy Koreya prezidenti Mun Chjye In Pyongchangdagi qishki olimpiya o‘yinlari-2018 ochilish marosimida Kim Yon Nam bilan uchrashishi ma'lum bo‘lgandi. Ushbu hodisa darajasi Janubiy Koreya tomonidan «juda baland» deb baholanmoqda.