Kim Chen Inning singlisi Janubiy Koreyaga keldi

Foto: Reuters

KXDR delegatsiyasi, jumladan Shimoliy Koreya yetakchisi Kim Chen Inning singlisi – Kim Yo Chjon Janubiy Koreyaga keldi. Bu haqda Associated Press xabar bermoqda.

Kutilishicha, u Pyongchangdagi Olimpiada-2018 ochilish marosimida ishtirok etadi.

Delegatsiyaga davlatning nominal rahbari Kim Yen Nam rahbarlik qilmoqda.

Avvalroq, Shimoliy Koreya yetakchisi Kim Chen Inning Pyongchangdagi Olimpiadaga tashrif buyuradigan singlisi Janubiy Koreya prezidenti Mun Chje Inni Shimoliy Koreyaga taklif qilishi mumkin ekani xabar qilingandi.