Moskvada ob-havo xavfining “olovrang darajasi” qayd etilmoqda

Moskvada sinoptiklar va'da qilgan bo‘ron ko‘tarildi. Ko‘plab tumanlarda momaqaldiroq va chaqmoq kuzatilmoqda, yomg‘ir sharros quymoqda. Bu haqida TASS ma'lum qildi. 

“Gidrometsentr”dan xabar qilishlaricha, poytaxtda xavfli ob-havoning “olovrang darajasi” qayd etilgan. Markaziy Rossiyaning boshqa hududlari ham bo‘ron xavfidan ogohlantirilgan. “18 iyul kuni Tver viloyatida kuchli yomg‘ir yog‘ishi, momaqaldiroq bo‘lishi kutilmoqda, shamolning tezligi 15-20 m/s. Bryansk va Orlovsk viloyatlarida ham kuchli yomg‘ir va do‘l yog‘adi, momaqaldiroq bo‘ladi. 18-19 iyulda Moskva viloyatida kuchli yomg‘ir va do‘l kuzatiladi, momaqaldiroq bo‘ladi, shamolning tezligi 17 m/s”, - deya xabar berdi ob-havoni aniqlash markazi. 

Haydovchilarga mashinalarini daraxtlar tagiga qo‘ymaslik, yo‘lovchilarga esa – reklama banerlari va yo‘l harakati belgilarini chetlab o‘tish tavsiya qilindi. 

13 iyulga o‘tar kechasi Moskvada kuchli momaqaldiroq bo‘lib, bo‘ron shahardagi 100dan ortiq daraxtlarni qulatgan, 120dan ortiq avtomobillar ziyon ko‘rgan. Noqulay ob-havo natijasida 9 kishi jabrlangan.