Fotogalereya: «Tokyo Motor Show 2019» – Kun.uz nigohida

24 oktabr – 4 noyabr kunlari Yaponiya poytaxti Tokioda an'anaviy yirik avtoko‘rgazma namoyishi bo‘lib o‘tmoqda.

46-marotaba o‘tkazilayotgan «Tokyo Motor Show»da yapon avtoishlabchiqaruvchilari dunyo bozoriga keyingi yillarda qaysi yangi modellarni yetkazib berishi haqida tasavvurga ega bo‘lish mumkin.

Ko‘rgazmada mahalliy kompaniyalardan tashqari xorij brendlari ham o‘z yangi modellarini taqdim etishgan. Albatta, bu yilgi ko‘rgazma Volkswagen va Ferrari kabilarning ishtirokisiz o‘tayotganini ham ta'kidlash o‘rinli.

Shunday bo‘lsa-da, BMW, Mercedes-Benz, Tesla, Aston Martin, Nissan, Toyota, Suzuki, Honda, Mitsubishi, Renault, Mazda, Isuzu, Yamaha, Kawasaki kabi kompaniyalarning yangi rusumdagi yengil, yo‘lovchi va tijorat avtomobillari, elektromobillar, mototsikllar, avto ehtiyot qismlar va sohaga oid yangi xizmatlari ko‘rgazmaga keluvchilarni befarq qoldirmayapti.

Pavilonga kirish narxi – 18 dollar atrofida. Ayni paytda xizmat safari bilan Yaponiyada bo‘lib turgan Kun.uz muxbiri ko‘rgazmadan fotosuratlarni taqdim etdi.