Ijtimoiy himoya milliy agentligi va Uzum Market 69 000 dan ortiq o‘zbekistonlikni reabilitatsiya qilish vositalari bilan ta’minladi

Loyiha boshlanganidan buyon o‘tgan bir yil ichida tekshirilgan yetkazib beruvchilarning reabilitatsiya tovarlari assortimenti 77 tagacha kengaydi, ular orasida hassa va qo‘ltiqtayoqlar, nogironlar aravachalari, gapiruvchi tonometrlar mavjud. Buyurtmalarning qariyb 30 foizi Toshkent, Farg‘ona va Andijon viloyatlariga to‘g‘ri keldi. Agentlik va milliy marketpleysning qo‘shma tashabbusi tufayli reabilitatsiya vositalariga muhtoj deb topilgan o‘zbekistonliklar Uzum Market mavjud bo‘lgan istalgan aholi punktiga yetkazib berish orqali mahsulotlarga buyurtma berishlari mumkin bo‘ladi.

Inson markazlarida subsidiya olish uchun hujjatlarni rasmiylashtirishda reabilitatsiya vositalariga muhtoj o‘zbekistonliklar Uzum Marketʼda zarur tovarlarni xarid qilish uchun maxsus promokodli vaucherlarga ega bo‘ladi. Promokodlar telefon raqamlariga biriktirilgan va faqat reabilitatsiya mahsulotlariga tegishli. Har bir promokodni Ijtimoiy himoya milliy agentligi bazasida ro‘yxatdan o‘tgan akkauntdan bir marta ishlatish mumkin.

— Biz millionlab odamlarga kerakli narsalarni sotib olishdan tortib, yaqinlariga pul o‘tkazish va oila budjetini tejashgacha bo‘lgan maishiy masalalarni hal qilishda yordam beradigan xizmatlar va vositalarni yaratmoqdamiz. Ijtimoiy himoya milliy agentligi bilan birgalikda biz butun mamlakat bo‘ylab yirik shaharlar va kichik shaharchalar aholisi uchun reabilitatsiya vositalaridan teng foydalanishni ta’minlaymiz, — deydi Uzum kommunikatsiyalar va ESG loyihalari bo‘yicha direktor Mariya Skorik. — Milliy platformaning logistika va IT infratuzilmasi millionlab odamlarga yordam beradi va biz uchun mamlakatning barcha aholisi eng zamonaviy raqamli xizmatlardan teng foydalanish va kerakli tovarlarni tez yetkazib berish imkoniyatiga ega bo‘lishi ayniqsa muhimdir.

— Maqsadimiz — reabilitatsiya vositalaridan yashash joyidan qat’i nazar, ularga muhtoj bo‘lgan har bir kishi foydalana olishini ta’minlash. Raqamlashtirish nafaqat tovarlardan teng foydalanish va ularni uydan chiqmasdan olish imkonini berdi, balki odamlarga o‘zlariga mos keladiganini tanlash imkoniyatini ham yaratdi. Bu shunchaki qulaylik emas, balki yanada adolatli va inklyuziv ijtimoiy himoya sari qo‘yilgan qadamdir, — dedi O‘zbekiston Respublikasi prezidenti huzuridagi Ijtimoiy himoya milliy agentligi matbuot kotibi Dilfuza Ro‘zmetova.

Reklama huquqi asosida