Infinix'dan NOTE 60 seriyasi: NOTE 60 Pro va NOTE Edge - mustahkamlik, samaradorlik va dizaynning yangi standartlari

Yangi liniya o‘rta segment imkoniyatlarini qayta talqin qilish natijasida yaratilgan bo‘lib, faol turmush tarzi uchun flagman darajasidagi foydalanuvchi tajribasi, yuqori mustahkamlik, kuchli samaradorlik va uzoq ishlovchi batareyani taqdim etadi.

NOTE 60 seriyasi ikki asosiy model — NOTE 60 Pro va NOTE Edge bilan start oladi. Har biri Infinix’ning qudrat, uslub va aqlli texnologiyalar falsafasini o‘ziga xos tarzda namoyon etadi.

NOTE 60 Pro: yuqori mustahkamlik, flagman darajasidagi samaradorlik va kun bo‘yi ishonch

Infinix NOTE 60 Pro yuqori mustahkamlik, barqaror samaradorlik va maksimal avtonomlikni qadrlaydigan foydalanuvchilar uchun yaratilgan. Smartfon 4 nm texjarayonda ishlab chiqarilgan Snapdragon 7s Gen 4 chipseti bilan jihozlangan bo‘lib, kundalik vazifalarda silliq ishlash, barqaror geyming va yuqori yuklama paytida ham energiya tejamkorligini ta’minlaydi.

1.5K aniqlik va 144 Hzʼgacha yangilanish chastotasiga ega 6,78 dyuymli AMOLED displey silliq skroll, aniq tasvir va uzoq muddat foydalanishda qulaylik beradi. Yuqori yorqinlik va Always-On Display qo‘llab-quvvatlovi ekran bilan bino ichida ham, tashqarida ham qulay ishlash imkonini beradi.

NOTE 60 Pro’ning ajralib turuvchi xususiyatlaridan biri — Matrix Display, ya’ni orqa paneldagi interaktiv yorug‘lik displeyidir. U bildirishnomalar, quvvatlanish holati, musiqa ijro etilgandagi animatsiyalar va boshqa vizual effektlarni aks ettirib, smartfon bilan o‘zaro aloqani yanada ko‘rgazmali va shaxsiylashtirilgan qiladi.

NOTE 60 Pro’ning asosiy afzalliklaridan biri — 6500 mAh sig‘imli batareya bo‘lib, u kun davomida ish, o‘yinlar, multimedia va navigatsiya kabi faol foydalanish uchun mo‘ljallangan va “batareya xavotiri”ni his qildirmaydi. Smartfon 90 Wʼgacha tezkor quvvatlashni, shuningdek, 30 W simsiz quvvatlashni qo‘llab-quvvatlaydi. Qo‘shimcha bonus sifatida foydalanuvchilar sovg‘a to‘plamida 30W MagCharge simsiz quvvatlagichiga ham ega bo‘ladi.

NOTE 60 Pro, shuningdek, JBL sozlamalariga ega stereo dinamiklar, NFC, infraqizil port, Infinix’ning AI-funksiyalari va Android 16 asosidagi XOS 16 platformasi bilan taqdim etiladi, uzoq muddatli dasturiy qo‘llab-quvvatlov ham kafolatlanadi.

NOTE Edge: Dimensity 7100 va yangi XOS 16 bilan taqdim etilgan ilk smartfon

Infinix NOTE Edge NOTE seriyasida yangi yo‘nalishni boshlab beradi va Dimensity 7100 chipseti bilan jihozlangan dunyodagi ilk smartfonga aylandi. MediaTek bilan yaqin hamkorlikda ishlab chiqilgan NOTE Edge 5G tarmoqlarida barqaror ishlash va kundalik foydalanishda yuqori energiya samaradorligiga yo‘naltirilgan.

Maxsus optimallashtirishlar signal sust bo‘lgan sharoitlarda — metroda, zich shahar qurilishlarida va odam gavjum hududlarda — yanada barqaror aloqani ta’minlaydi. Smartfon o‘yinlar va multimedia jarayonida silliq ishlashni namoyon etadi hamda uzoq seanslarda ham qulay harorat rejimini saqlab qoladi.

NOTE Edge 120 Hz yangilanish chastotasiga ega 6,78 dyuymli 1.5K 3D egri AMOLED displey bilan jihozlangan bo‘lib, premium vizual tajriba yaratadi. 7,2 mm qalinlikdagi ingichka korpus egri ekran bilan uyg‘unlashib, qo‘lda qulay ushlash va nafis tashqi ko‘rinishni ta’minlaydi, Corning® Gorilla® Glass 7i himoyasi esa qurilma ishonchliligini oshiradi.

45 W tezkor quvvatlashni qo‘llab-quvvatlaydigan 6500 mAh sig‘imli akkumulyator smartfondan kun davomida ishonch bilan foydalanish imkonini beradi. XOS 16 qobig‘i yangilangan Glow Space dizayni, interfeysning yanada silliq ishlashi va Live Photo’ni, jumladan, Live Photo’ni iPhone’ga uzatishni ham qo‘llab-quvvatlaydi.

NOTE 60 seriyasining kengayishi

NOTE 60 Pro va NOTE Edge’dan tashqari, NOTE 60 seriyasiga keyinchalik NOTE 60 va NOTE 60 Ultra modellari ham qo‘shiladi. NOTE 60 kundalik vazifalar uchun muvozanatli yechim bo‘lsa, NOTE 60 Ultra flagman darajasidagi kamera, yanada kuchli avtonomlik va kengaytirilgan multimedia imkoniyatlari bilan seriyaning maksimal salohiyatini taqdim etadi.

Sotuvda

Infinix NOTE 60 Pro va Infinix NOTE Edge smartfonlari turli rang variantlarida mamlakatdagi barcha ixtisoslashtirilgan do‘konlarda sotuvga chiqariladi.

Mahsulotlar va kompaniya yangiliklari haqida batafsil ma’lumot olish uchun Infinix’ning rasmiy sayti va ijtimoiy tarmoqlardagi sahifalariga tashrif buyuring: Web-sahifa | Instagram | Telegram