O‘zbekiston FIFA reytingida 5 pog‘ona yuqoriladi

Xalqaro turnirdagi g‘alabadan so‘ng, milliy jamoa FIFA reytingidagi o‘rnini yaxshiladi.

Foto: UFA

Xalqaro futbol federatsiyasi (FIFA) 19 noyabr kuni milliy jamoalarning yangi reytingini e’lon qildi.

O‘zbekiston milliy jamoasi o‘tgan oyga nisbatan 5 pog‘ona yuqorilab, 50-o‘ringa ko‘tarildi. Osiyo jamoalari orasida esa Qatardan o‘zib, 5-o‘ringa chiqdi.

O‘zbekiston milliy jamoasi yaqinda xalqaro turnirda ishtirok etib, Misrni 2:0 hisobida yengdi va Eronni (0:0) penaltilar seriyasida mag‘lub etdi.

Osiyodagi kuchli o‘nlik quyidagicha ko‘rinish oldi:

18. Yaponiya

20. Eron

22. Janubiy Koreya

26. Avstraliya

50. O‘zbekiston

51. Qatar

58. Iroq

60. Saudiya Arabistoni

66. Iordaniya

67. BAA

FIFA umumiy reytingida Ispaniya milliy jamoasi yetakchilik qilmoqda. Yuqori o‘ntalikda Argentina, Fransiya, Angliya, Braziliya, Portugaliya, Niderlandiya, Belgiya, Germaniya va Xorvatiya ham bor.