Avstraliyadagi gigant hayvonlarining qirilib ketish sabablari aniqlandi

Odamlar Avstraliyaning qurg‘oqchil mintaqalarida olimlar aytgan vaqtdan 10 ming yil ilgari o‘rnashishgan va ba'zi yirik hayvonlarning yo‘q bo‘lishiga sababchi bo‘lishgan. Bir guruh avstraliyalik arxeologlar tomonidan olingan yangi ma'lumotlar shunga ishora qilmoqda. Mazkur tadqiqot natijalari Nature jurnalida taqdim etilgan. 

Avstraliya mintaqasi taxminan 50 ming yil ilgari Janubi-Sharqiy Osiyodan qayiqlarda Papua orqali Yangi Gvineyaga kelayotgan odamlar tomonidan fath qilingan. Bundan avval  ilk aborigenlar 10 ming yilcha sohilbo‘yi hududlarida yashab, cho‘l joylarni chetlab o‘tganligi ta'kidlanardi. Biroq Warratyi Rock Shelter deb nomlangan qadimiy hududda olib borilgan qazilma ishlari bu yerda 49 ming yil ilgari ham odamlar yashaganidan dalolat bermoqda. 

Tadqiqot aborigenlar turmush tarzi haqida ba'zi tafsilotlarga ega bo‘lish imkonini berdi. Olimlarning so‘zlariga ko‘ra, Warratyi'ni fath qilgan kishilar kech madaniyatga tegishli texnologik moslamalardan foydalanishgan - topilmalar bu taxminni tasdiqlaydi.