Central Asian University mintaqadagi yirik texnologik tadbirda 17 mamlakat va 1 200 nafar ishtirokchini birlashtiradi

Tadbirlarda 1 200 nafardan ortiq ishtirokchi, 300 dan ziyod jamoa hamda 17 mamlakatdan, jumladan, 200 dan ortiq universitet va ta’lim muassasasi vakillari qatnashadi.

CAU muhandislar, dasturchilar va texnologiya yetakchilari uchun har yili o‘tkaziladigan xalqaro maydonni shakllantirmoqda. Bu shunday makonki, unda g‘oyalar real bosim sharoitida sinovdan o‘tkaziladi, iqtidor esa amaliy natijalar bilan tasdiqlanadi.

Global Tech Summit 2026 universitetlar, texnologiya kompaniyalari, investorlar va davlat tuzilmalari vakillari o‘rtasida strategik muloqot platformasi bo‘ladi. Muhokamalar markazida mintaqa uchun barqaror sun’iy intellekt infratuzilmasini shakllantirish, texnologiyalarni tartibga solish, raqamli suverenitet va sun’iy intellekt davrida inson kapitalini rivojlantirish masalalari turadi.

CAU Tech Hackathon 2026 uchta yo‘nalishda o‘tkaziladi: AI in Healthcare, Cybersecurity CTF va Robotics Challenge. AI in Healthcare hamda Cybersecurity CTF yo‘nalishlari universitet talabalariga mo‘ljallangan bo‘lib, 17 mamlakatdan 900 nafardan ortiq talabani o‘z ichiga olgan 228 ta jamoani birlashtiradi.

Ishtirokchilar orasida O‘zbekiston, Hindiston, Ozarbayjon, Qirg‘iziston, Qozog‘iston, Vetnam, Rossiya, Armaniston, Bangladesh, Indoneziya, Turkiya, Filippin, Tojikiston, BAA, Shri-Lanka, Koreya Respublikasi va AQSh universitetlari vakillari bor. Bu yerda real keyslar, qat’iy dedlaynlar va yechimlarni xalqaro hakamlar hay’ati oldida himoya qilish talab etiladi. Bu yerda nazariya emas, ijro g‘alaba qozonadi.

10–11-sinf o‘quvchilari uchun mo‘ljallangan Robotics Challenge yo‘nalishi O‘zbekiston, Qozog‘iston va Qirg‘izistondan 73 ta jamoani jamlaydi. Musobaqalar CAU kampusida ikki muhandislik toifasi — Mini Sumo va Line Following bo‘yicha tashkil etiladi.

Mini Sumo — avtonom robotlar musobaqasi bo‘lib, uning vazifasi masofadan boshqaruvsiz, to‘liq datchiklar, navigatsiya algoritmlari va xulq-atvor strategiyasiga tayangan holda ring ichidagi raqibni aniqlash va uni maydon chegarasidan chiqarib yuborishdan iborat.

Line Following — mobil robotlarni dasturlash bo‘yicha musobaqa bo‘lib, unda robotlar tasvirni aniqlash tizimlari, sensorlarni kalibrlash va harakatni optimallashtirish orqali belgilangan chiziq bo‘ylab murakkab trassani imkoni qadar aniq va tez bosib o‘tishlari lozim.

Har ikki toifa algoritmik fikrlash, mexatronika, dasturlash va muhandislik loyihalash ko‘nikmalarini real raqobat bosimi sharoitida rivojlantirishga qaratilgan.

Hakaton va sammitda turli mamlakatlardan 50 nafardan ortiq mentor, soha eksperti va texnologiya mutaxassisi ishtirok etadi. Xalqaro hakamlar hay’ati va ma’ruzachilar akademik, korporativ hamda tadqiqot tuzilmalari vakillaridan iborat bo‘lib, bu loyihalarning obektiv baholanishi va jahon standartlariga muvofiqligini ta’minlaydi.

Loyihalarni doktor Amir Sharafxaneh (AQSh), Yale University professori Vinsent Vilchinskiy (AQSh) va Cisco Networking Academy vakili Nadin Kotb (Misr) kabi jahon darajasidagi mutaxassislar baholaydi.

Global Tech Summit 2026 “AI Beyond Hype: real texnologiyalar, real yechimlar” mavzusida o‘tkaziladi. Sammit sun’iy intellekt infratuzilmasi, robototexnika, raqamli transformatsiya, texnologik diplomatiya, sun’iy intellektni tartibga solish va venchur investitsiyalar sohasidagi ekspertlarni birlashtiradi. Dasturdan mavzuli sessiyalar hamda Markaziy Osiyoning raqamli suverenitetiga bag‘ishlangan xalqaro panel o‘rin olgan.

Sebastian Thrun — Stanford University professori, Udacity asoschisi va Google X hammuassisi — CAU Tech Summit 2026’ning maxsus mehmoni sifatida O‘zbekistonga ilk bor tashrif buyuradi.

CAU Tech Hackathon 2026’ni o‘tkazish Central Asian University’ning ta’lim va klinik muhitda amaliy sun’iy intellekt, muhandislik va raqamli texnologiyalarni rivojlantirishga qaratilgan uzoq muddatli strategiyasining bir qismi hisoblanadi. Universitet sun’iy intellektni tibbiyot dasturlari, muhandislik yo‘nalishlari va tadqiqot tashabbuslariga tizimli ravishda integratsiya qilgan holda, ta’lim, fan va sanoat texnologiyalarini amaliyotga joriy etishning yagona mantig‘i asosida ishlaydigan ekotizimni shakllantirmoqda.

CAU Tech Hackathon va Global Tech Summit 2026 maktab o‘quvchilari, talabalar, tadqiqotchilar va sanoat vakillarini birlashtirib, mintaqa uchun yangi texnologik ekotizim yaratadi. Bu tadbirlar musobaqa va anjuman doirasidan chiqib, Markaziy Osiyoning yangi texnologik arxitekturasiga poydevor qo‘yadi.

Savol va takliflar bo‘yicha: +998954304004

Central Asian University haqida

2019 yilda O‘zbekistonda tashkil etilgan Central Asian University mamlakatdagi eng jadal rivojlanayotgan xususiy universitetlardan biri hisoblanadi. Universitet tibbiyot, stomatologiya, biznes, arxitektura va dizayn, muhandislik, turizm va mehmonxona boshqaruvi yo‘nalishlarida xalqaro ta’lim dasturlarini taklif etadi.

Central Asian University “Round University Ranking 2025” jahon reytingida top-1000 talikka kirgan, “THE Impact Rankings 2025” reytingida debyut qilgan, “Science and Innovation Awards” talqiniga ko‘ra “O‘zbekistonning 2024 yildagi eng innovatsion universiteti” deb topilgan hamda “AD Scientific Index” bo‘yicha “O‘zbekistonning 2025 yildagi ilk yosh universiteti” sifatida e’tirof etilgan. Shuningdek, universitet “QS Stars” xalqaro baholash tizimida 4 yulduzga sazovor bo‘lgan.

Universitet Germaniya, Shveytsariya, AQSh va boshqa mamlakatlar universitetlari bilan qo‘shma akademik va tadqiqot loyihalarini amalga oshirmoqda.

Call-markaz: 71-208-12-34

Sayt | Instagram | Telegram

Reklama huquqi asosida