«Haj-2024» dasturi doirasida Toshkent - Madina yo‘nalishidagi birinchi aviaqatnov jo‘nab ketdi

O‘zbekiston shaharlaridan Madinaga jami 124 ta charter aviaqatnovi va 15 130 nafar yo‘lovchi tashuvi amalga oshiriladi.

2024 yil 23 may kuni «Haj-2024» dasturi doirasida Uzbekistan Airways aviakompaniyasining Toshkent - Madina yo‘nalishidagi birinchi aviaqatnovi Toshkent vaqti bilan soat 1:40 da jo‘nab ketdi.

O‘zbekiston Respublikasi shaharlaridan Madina shahriga jami 124 ta charter aviaqatnovi va 15 130 nafar yo‘lovchi tashuvi amalga oshiriladi.

Uzbekistan Airways O‘zbekiston Musulmonlari idorasining «Haj-2024» dasturi bo‘yicha rasmiy hamkori hisoblanadi.

Avvalroq O‘zbekistonda Haj mavsumi 2024 yil 23 maydan boshlanishi xabar qilingandi. Respublikadan Saudiya Arabistoniga shu yil 7 iyunga qadar har kuni aviaqatnovlar amalga oshiriladi.

Mamlakatning 10 ta hududiy aeroportidan to‘g‘ridan to‘g‘ri Toshkent-Madina, Buxoro-Madina, Namangan-Madina, Farg‘ona-Madina, Samarqand-Madina, Qarshi-Madina, Termiz-Madina, Urganch-Madina, Nukus-Madina va Navoiy-Madina aviareyslari orqali ziyoratchilar haj safariga kuzatiladi. Barcha parvozlar Uzbekistan Airways aviakompaniyasi tomonidan amalga oshiriladi.