Qoʻshimcha funksionallar
-
Tungi ko‘rinish
Xitoyda kichik yadro batareyasini ishlab chiqarish yo‘lga qo‘yildi
Tanga o‘lchamidagi batareya 3 volt energiya beradi va 50 yil davomida quvvatlanmasdan ishlashi mumkin.
Foto: Betavolt
Xitoyning Betavolt kompaniyasi BV100 kichik yadro batareyasini seriyali ishlab chiqarish orqali energiya bozorida to‘ntarish sodir qildi. Tanga o‘lchamidagi quvvat manbai 3 volt energiya ishlab chiqaradi va 50 yil davomida quvvatlanmasdan ishlashi mumkin.
An’anaviy batareyalardan farqli o‘laroq, BV100 nikel-63 deb nomlangan radioaktiv izotopdan foydalanadi, u asta-sekin barqaror misga parchalanib, energiya chiqaradi. Ta’kidlanishicha, jarayon odamlar uchun xavfsiz, chunki radiatsiya qurilma ichida to‘liq himoyalangan.
Batareya 100 mikrovatt ishlab chiqaradi - ko‘p emas, lekin datchik yoki tibbiy implant kabi kichik gadjetlarni quvvatlantirish uchun yetarli. Uning siri texnologiyada: zarrachalarning parchalanishidan olingan energiya olmosli yarimo‘tkazgichlar yordamida elektr energiyasiga aylanadi. Bu batareyani -60°S dan +120°S gacha bo‘lgan ekstremal haroratlarga chidamli qiladi, bu esa koinotda yoki murakkab muhitda foydalanish istiqbollarini ochadi.
Betavolt kompaniyasining ta’kidlashicha, uning ixtirosi batareyalarni tez-tez almashtirish zaruratini bartaraf etish orqali sanoatni o‘zgartirishi mumkin. Mahsulotni ishlab chiqarish allaqachon boshlangan va birinchi partiya bozorga chiqarishga tayyorlanmoqda.
Mavzuga oid
10:26 / 27.12.2025
O‘zbekistonda energiya resurslari ishlab chiqarish ko‘rsatkichlari e’lon qilindi
12:15 / 13.12.2025
“Sun’iy quyoshdan toza energiya olmoqchimiz” – Xitoydagi “Ilm oroli”da ishlayotgan o‘zbek tadqiqotchisi
20:44 / 28.09.2025
Misr kompaniyasi O‘zbekistonda qayta tiklanuvchi energiya manbalari bo‘yicha loyihani amalga oshirishi mumkin
16:02 / 19.05.2025