Vayron bo‘lgan shaharlar, minglab qurbon va jabrlanuvchilar - zilzila oqibatlari suratlarda

Dushanba kuni tongida, odamlar hali uyquda ekanida Turkiya janubi-sharqida, Suriya bilan chegaradan bir necha o‘n kilometr masofada ro‘y bergan 7,8 balli zilzila keng ko‘lamli vayrongarchiliklarga sabab bo‘ldi. Keyingi soatlar davomida bir necha o‘n aftershoklar qayd etildi, kunning ikkinchi yarmida yana bir 7,5 balli zilzila ro‘y berdi.

Turkiya hukumatining so‘nggi ma’lumotlariga ko‘ra, 1541 kishi halok bo‘lib, 9733 kishi jarohatlangan, Suriyadan berilgan so‘nggi ma’lumotlarda — 800 ga yaqin kishi o‘limi ko‘rsatilgan. 

Jahon sog‘liqni saqlash tashkiloti qurbonlar soni ancha ko‘proq bo‘lishi kutilayotganini ma’lum qilgan.

«O‘ylaymanki, qurbonlar soni sezilarli darajada oshishini kutish mumkin. U yerda juda ko‘p binolar qulagan va zilzila epimarkazi hududidagi qurbonlar soni sezilarli darajada oshadi», degan Reuters agentligi muxbiriga JSSTning Sharqiy O‘rta Yer dengizidagi favqulodda vaziyatlar bo‘yicha mintaqaviy bo‘limi direktori Rik Brennan.

Ikki mamlakatda minglab binolar vayron bo‘lgan.