Video: 2 yoshli amerikalik bolakay o‘z egizagini qutqardi

Ikki yoshli egizak aka-ukalar Broudi va Brok Shoff o‘z xonalarida o‘yin o‘ynayotib, komodni ag‘darib yuborishdi. Mebel egizaklardan birining ustiga tushdi, buni ko‘rgan ikkinchi bolakay esa unga yordam berishga shoshildi. "Layf" nashri ushbu video bilan bo‘lishdi. 

Bolalar o‘ynayotgan paytda ona uyda bo‘lgan, biroq komodning qulaganini eshitmagan. Ma'lum bir vaqt o‘tgach, u bolalarning xonasiga kirib, komodning yerda ag‘darilib yotgani, bolalarning esa  sog‘-omonligini ko‘rgan. 

Egizaklarning otasi kichik bolakaylarning ota-onalarini ogohlantirish maqsadida ushbu videoni Facebook'ga joylashtirdi. 

"Iltimos, barcha komodlar devorga mahkamlanganiga ishonch hosil qiling", - deb yozadi Riki Shoff. 

Egizaklarning videosi YouTube'da yarim million marta ko‘rilgan.