Golden House kompaniyasi HYATT mehmonxonasida Mirabad Avenue rezidensiyasi taqdimotini o‘tkazdi

Joriy yilning 1 dekabrida HYATT mehmonxonasida Golden House kompaniyasining yangi uy-joy majmuasi – premium-klass toifasidagi Mirabad Avenue rezidensiyasi taqdimoti bo‘lib o‘tdi.

Taqdimot munosabati bilan mehmonxonaning tantanalar zali kompaniya stilistikasida bezatildi. Bunda oq va oltin ranglar ustunlik qildi, xolldagi manzaralar yangi kompleks hovlisi talqini bo‘lib xizmat qildi, mehmonlar e'tiboriga esa Mirabad Avenue maketi taqdim etildi.

Tadbir boshidanoq mehmonlarni yoqimli o‘ziga xos sovg‘alar kutar edi. Marosimning ochilishi “Golos. Deti” tanlovi g‘olibi, yosh qo‘shiqchi hamyurtimiz Sabina Mustayevaga topshirilgan edi. Tadbirni moskvalik taniqli shoumen va boshlovchi Aleksandr Belov olib bordi.

Taqdimotda loyihaga daxldor yirik ishlab chiqarish kompaniyalari vakillari ishtirok etdi. Kirish so‘zi Buyuk Britaniya va Shimoliy Irlandiya Birlashgan Qirolligining mamlakatdagi favqulodda va muxtor elchisi Kristofer Allanga berildi. Chapman Taylor Britaniya arxitektura byurosi nomidan kompaniyaning Moskva shahridagi ofisi direktori Ramchandra Kxativada ishtirok etdi. Golden House kompaniyasi nomidan kompaniyaning boshqaruvchi hamkori Shuhrat Shamsuddinov va bosh menejyeri Furqat Ibragimov qatnashdilar. Hamkorlar nomidan quyidagi spikerlar: Thyssenkrupp Elevator kompaniyasining savdo bo‘yicha direktori Vladimir Shtoppel, Schüco O‘zbekiston bosh direktori Mexmet O‘zdemir va Premium Concept bosh menejyeri Baxtiyor Umerkayev ishtirok etdi. Lidiya Kim esa MMG va Gardenia Group nomidan qatnashdi.

Spikerlar rezidensiya falsafasi yuzasidan batafsil so‘z yuritdilar. Bunda qurilish boshidan boshlab tugagunga qadar rezidensiyani qurish bosqichlari namoyish etildi. Mehmonlarga rezidensiyaning arxitektura va muhandislik xususiyatlarini har tomonlama ko‘rib chiqish taklif etildi.

Tantanali tadbir davomida Mirabad Avenue rezidensiyasi savdosi boshlanishi munosabati bilan tadbir hamkori Samsung Electronics kompaniyasi premium-klass toifasidagi QLED TV yangi televizorlar turkumini taqdim etdi. Bunda uchta televizor mehmonlar va poytaxtliklar o‘rtasida sovrin sifatida o‘ynaldi.

G‘oliblarni tantanali mukofotlash marosimi bilan fotosuratlar orqali tanishish mumkin.

Qiziqarli voqealarga boy kechani taniqli toshkentlik ijrochi DJ Minas yakunladi.