Xiva soliqchilari tadbirkorni muddati o‘tgan sabab bilan jarimaga tortishdi

Xorazm viloyati Xiva tumani soliqchilari qonunbuzilishi holatiga yo‘l qo‘ygani ma'lum bo‘ldi. Bu haqda “Huquq” gazetasi xabar bermoqda. “Xiva tumani soliq inspeksiyasi tomonidan “Xiva Mehnat” xususiy korxonasi rahbari T. Allaberganova, ma'muriy javobgarlikka tortish muddati o‘tib ketgan bo‘lsa-da, MJtKning 175-moddasi 1-qismi bilan jarimaga tortilgan”, - deyiladi xabarda. Mazkur qaror prokuror protestiga asosan bekor qilingan va tadbirkorlik sub'yektining buzilgan huquqlari tiklangan.