Rossiya Mudofaa vazirligining sobiq xodimi 5 yilga qamaldi

Rossiya Mudofaa vazirligi mol-mulk munosabatlari departamentining sobiq rahbari Yevgeniya Vasileva sud tomonidan 5 yil muddatga ozodlikdan mahrum qilish jazosiga mahkum qilindi. Jazo umumiy rejim koloniyasida o‘tkazilishi belgilandi. Shuningdek, u 2013 yil may oyidan bugungi kunga qadar uy qamog‘ida saqlangani belgilandi.
Sobiq amaldor xonim 12 jinoiy epizodda gumon qilinayotgan edi; ulardan 8tasida aybdorligi isbotlandi. Hukmda ta'kidlanishicha, 2010 yil fevralda mansabni egallagan Vasileva davlat mulkini talon-toroj qilishga kirishgan. Buning uchun u sobiq mudofaa vaziri Anatoliy Serdyukov bilan va devon rahbariyati bilan jinoiy til biriktirgan.
Bundan tashqari, sud Vasileva pullarni “yuvish” ishlarini ham amalga oshirganlikda aybdor deb topdi.