O‘zbekiston ichki ishlar vaziri Dushanbega boradi

4-6 iyun kunlari O‘zbekiston ichki ishlar vaziri, general-leytenant Adham Ahmadboyev Dushanbega boradi. Asia Plus nashrining xabar berishicha, u Shanxay hamkorlik tashkiloti (ShHT) ichki ishlar vazirlarining yig‘ilishida ishtirok etadi.
Dushanbe yig‘ilishida, shuningdek, Rossiya, Qirg‘iziston, Qozog‘iston ichki ishlar vazirlari ishtirok etadi. Tadbirga Tojikiston ichki ishlar vaziri, general-polkovnik Ramazon Rahimzoda raislik qiladi.