O‘zbekiston teleradiokompaniyasi sun'iy yo‘ldoshni almashtiradi

O‘zbekiston Milliy Teleradiokompaniyasi tarqatgan xabarga ko‘ra, Uzbekistan teleradiokanalining Ekspress-AM22 sun'iy yo‘ldoshidan uzatib kelingan ko‘rsatuvlari bundan buyon Ekspress-AM6 yo‘ldoshi orqali uzatiladi.

Ekspress-AM6 Rossiyaning sun'iy yo‘ldoshi bo‘lib, 2014 yilning 21 oktabr kuni ishga tushirilgan. Yo‘ldosh multiservis xizmatlar paketini ko‘rsatishga mo‘ljallangan. Bular sirasiga teleradiouzatish, telefoniya, videokonferensiya bog‘lamasi, ma'lumotlar uzatish, internet chiqish singarilar kiradi.