Rossiyada An-2 samolyoti yo‘lovchilari bilan birga g‘oyib bo‘ldi

Rossiyaning Krasnoyar o‘lkasida bortida 9 yo‘lovchisi bo‘lgan An-2 samolyoti yo‘qolib qoldi. Favqulodda vaziyatlar vazirligi saytida ma'lumot berilishicha, samolyot radioaloqaga chiqmagan.
Samolyot bilan aloqa shanba kuni mahalliy vaqt bilan 16:00da uzilgan.
Samolyot Mi-8 vertolyoti yordamida qidirilmoqda. Operativ shtab tashkil qilingan, qidiruv ishlariga 90 kishi jalb qilingan.