Moskvada "Paxtakor" jamoasining sobiq bosh murabbiyi olamdan o‘tdi

1 iyul kuni Moskva shahrida O‘zbekistonda xizmat ko‘rsatgan futbol murabbiyi Aleksandr Kochetkov 83 yoshida vafot etdi.

Kochetkov 1977-1979 yillar davomida "Paxtakor" jamoasining bosh murabbiyi sifatida ishlagan edi.

U Rossiyada ham xizmat ko‘rsatgan mutaxassis hisoblanardi. Marhum turli yillarda «Luch» (Vladivostok), «Ximik» (Dzerjinsk), «Amur» (Blagoveshchensk), «Alga» (Frunze), «Spartak» (Ordjonikidze), «Kuban» (Krasnodar), «Sokol» (Saratov) jamoalarida bosh murabbiy sifatida faoliyat ko‘rsatgan.