Moskvada Lenin va Stalinning qiyofadoshlari urishib ketishdi

Vladimir Lenin va Iosif Stalinning qiyofadoshlari Moskva metrosining “Oxotnyy Ryad” stansiyasining yertosti o‘tish joyida urishib ketishdi.

Ma'lumotlarga ko‘ra, ichki ishlar boshqarmasining metrodagi 1-bo‘limiga Manejnaya maydonida Leninning qiyofadoshi bo‘lib ishlaydigan Igor Gorbunov shikoyat bilan murojaat qilgan. Gorbunovning aytishicha, shu maydonda Stalinning qiyofadoshi bo‘lib ishlaydigan Latif Valiyev bilan chiqqan bahs oqibatida Valiyev uning orqasiga 3 marta soyabon bilan urgan. Janjal davomida jabrlanuvchining orqasidagi yumshoq to‘qimalar lat yegani sababli u shifoxonaga murojaat qilishga majbur bo‘lgan.

Qayd etilishicha, bahsga Valiyevning Gorbunovni Stalinning boshqa qiyofadoshi bilan hamkorlik qilganida ayblagani sabab bo‘lgan.

Prokuratura bu mojaroning tergovini alohida nazorat ostiga oldi.