Indoneziyadagi yaponiyaliklar fabrikasida ro‘y bergan yong‘in tufayli 5 kishi halok bo‘ldi

Indoneziya poytaxti Jakarta shahridagi yaponiyaliklarga tegishli bo‘lgan kosmetik vositalar ishlab chiqariladigan fabrikada katta yong‘in chiqdi. Bu haqda Kiodo nashri xabar bergan.

Xabarda aytilishicha, hodisa natijasida 5 kishi halok bo‘lgan va kamida 50 kishi jarohatlangan.

Aniqlik kiritilishicha, bu fabrika Yaponiyaning Mandom kompaniyasiga tegishli hisoblanadi.

Hozircha yong‘in sabablari aniqlanmagan. Voqea joyida indoneziyalik qutqaruvchilar ish olib borishmoqda.