Meksikada noma'lum shaxslar 11 kishini otib ketishdi

20 iyul kuni Meksika shimolidagi Durango shtatida noma'lum shaxslar tomonidan hujum uyushtirilishi natijasida 11 kishi o‘ldirilgan.

Mahalliy politsiyaning ma'lum qilishicha, hujum oqibatida yana 5 kishi jarohatlangan.

Hujum qiluvchilar voqea joyidan darhol g‘oyib bo‘lishgan. Ayni vaqtda ularni qidirish borasidagi ishlar natija bermayapti.

Ma'lum bo‘lishicha, hujumga uchraganlar Sapioris qishlog‘ida yashovchi kishilar bo‘lgan. Jarohatlangan 5 kishidan birining ahvoli juda og‘irligi aytilgan.

Huquqni muhofaza qilish organlari tekshiruv va qidiruv ishlarini olib bormoqda.