Rossiyadagi tojikistonliklar soni 20 foizga kamaydi

2015 yilning 1 iyul holatiga ko‘ra Rossiyadagi Tojikiston fuqarolari soni o‘tgan yilning shu davriga nisbatan 20 foizga kamaydi. Tojikiston mehnat, muhojirlik va aholi bandligi vaziri Sumangul Tag‘oyzodaning ma'lumot berishicha, bunga Rossiyadagi iqtisodiy inqiroz va muhojirlik qonunchiligining qattiqlashtirilishi sabab bo‘lgan.
Aytilishicha, hisobot davrida Rossiya hududida 1 000 543 Tojikiston fuqarosi bo‘lgan. Joriy yilning birinchi yarmi davomida kelganlar soni 638 900 kishini tashkil qilgan. 2014 yili rasmiy organlar Rossiyadagi tojikistonliklar miqdorini 1.2-1.3 mln kishi deb baholagan edi.