Rossiyada sanktsion mahsulotlar yo‘q qilinmoqda

Rossiyada iqtisodiy cheklovlar tufayli taqiqlangan, ammo, shunday bo‘lsa-da, mamlakat hududiga olib kirilgan mahsulotlar yo‘q qilinmoqda. Bu haqda TASS agentligi xabar bermoqda.

Jumladan, bugun Sankt-Peterburgda 20 tonna sanktsion pishloq yoqib yuboriladi. Bundan tashqari, shahar portiga kelib tushgan go‘sht va go‘sht mahsulotlari yoqib yuboriladi.

Oltoy o‘lkasida hamda Rossiyaning yana bir qator mintaqalarida bu boradagi ishlar allaqachon boshlab yuborildi.