"NTV-Plyus" Italiya chempionati o‘yinlarini namoyish qilishda davom etadi

"NTV-Plyus" telekompaniyasi o‘zining sport kanallari orqali Italiya chempionatining yangi mavsumdagi o‘yinlarini ham namoyish etadi. Bu haqda "Gazprom-Media" xabar qilgan.

Biroz oldinroq, kompaniya Fransiya chempionatining 2015-2016 yilgi mavsumi o‘yinlarini translyatsiya qilish huquqini sotib olgani ma'lum bo‘lgandi.

"NTV-Plyus"ning pullik kanallariga ulangan foydalanuvchilar Italiya chempionatining yangi mavsumidagi barcha o‘yinlarni kuzatishlari mumkin. Qiziqarli o‘yinlarning aksar qismi "Match TV" kanali orqali efirga uzatiladi", deb ma'lum qilingan xabarda.