Xitoyda Osiyodagi eng katta shishali tomosha maydoni ochiladi

Xitoyda qoya ustida joylashadigan yangi shishali tomosha maydonchasi ochiladi. Crienglish.com saytining ma'lum qilishicha, bu Osiyodagi bunday turdagi eng yirik inshoot bo‘ladi. U XXR janubi-g‘arbidagi Chuntsin viloyatida qurib bitirilmoqda.

Maydonchaning kengligi 11 m ni, uzunligi 26 m ni tashkil qiladi. Platforma Ulun milliy geologiya bog‘ida, 280 m balandlikda joylashgan. Ushbu konstruksiyadan foydalanishga jur'ati yetgan turistlar oyoqlari ostidagi manzaralarni tomosha qilish imkoniyatiga ega bo‘ladi.

Aytilishicha, loyiha diqqatga sazovor joylarni oddiy rakursdan ko‘rish badiga urgan sayyohlarga mo‘ljallangan.
Maydoncha 3 qavatli toblangan shishadan yasaladi. Har bir qatlam 10 tonnaga og‘irlik ko‘tara oladi.
Platforma XXR tashkil topgan kun arafasida ochilishi kutilmoqda. Mamlakatning ushbu asosiy bayrami har yilning 1 oktabr kuni nishonlanadi.