Xorazm ipagi Hindiston va Eronga eksport qilinadi

Xorazm viloyatidagi «Xorazm ipagi» MChJ korxonasini modernizatsiya qilish, uning to‘la quvvat bilan ishlashini ta'minlash, yangi ish o‘rinlari yaratish yo‘lida izchil harakatlar amalga oshirilmoqda. Bu haqda telegraf.uz xabar bergan.

Xabarda aytilishicha, mehnat unumdorligini oshirish maqsadida Xitoydan zamonaviy uskunalar olib kelingan.

190 nafardan ortiq ishchi faoliyat yuritadigan korxona mahsulotni eksport qilish bo‘yicha Hindiston, Eron davlatlari bilan shartnoma tuzgan.

«Xorazm ipagi» MChJ da o‘tgan yili 16,5 tonna ipak ishlab chiqarildi.