Gretsiyada «Veriya» klubining 18 yoshli darvozaboni mashg‘ulot paytida olamdan o‘tdi

Gretsiyaning "Veriya" klubi 18 yoshli darvozaboni Stelios Markusis chorshanba kuni mashg‘ulot vaqtida jon taslim qildi. Bu haqda jamoaning feysbukdagi rasmiy sahifasida xabar berilgan.

Xabar qilinishicha, futbolchi o‘zini yomon his qilgan va hushdan ketib, maydonga yiqilgan.

Markusis darhol mahalliy shifoxonaga yetkazilgan, biroq shifokorlar uning hayotini saqlab qola olmagan.

Oxirgi ma'lumotlarga ko‘ra, futbolchining o‘limiga yurak xuruji sabab bo‘lgan.

Ma'lumot uchun, "Veriya" jamoasi ayni vaqtda 2 turdan keyin beshinchi o‘rinda ketmoqda.