Primore 45 mlrd rubllik investitsion shartnomalar imzoladi

Vladivostokda o‘tayotgan Sharqiy iqtisodiy forum doirasida Rossiyaning Primore o‘lkasi 45 mlrd rubllik investitsion shartnomalar imzoladi. Bu haqda o‘lka hokimi Vladimir Miklushevskiy bayonot berdi.

Uning so‘zlariga qaraganda, shartnomalar asosan agrar korxonalar qurilishi bilan bog‘liq.
O‘lka ma'muriyati saytida joylashtirilgan axborotga ko‘ra, forum so‘nggiga qadar 85 mlrd rubllik shartnomalar tuzilishi kutilmoqda.