BMT: 2016 yil oxirida Yevropada 850 ming qochqin bo‘ladi

BMT qochqinlar masalalari bo‘yicha oliy komissari boshqarmasining bashorat qilishicha, 2016 yil oxiriga qadar Yevropaga 850 ming qochqin keladi. Bu haqda Reuters agentligi xabar bermoqda.

Qochqinlarning aksariyatini suriyaliklar tashkil qiladi. Ular nafaqat Suriyadagi ixtilof o‘choqlarini, balki qo‘shni davlatlardagi qochqinlar qarorgohlarini ham tark etib, Yevropaga yo‘l olmoqda.
Tashkilot migratsion inqirozni hal qilish masalasiga birdamlikda yondashishga chaqirdi.