Rossiya Suriyada yangi aviazarbalarni amalga oshirdi

Livanning Al-Mayadeen telekanali 1 oktabr kuni Rossiya aviatsiyasi Suriyada yana 30ta zarbani amalga oshirganini ma'lum qildi. Ular orasida “Jaysh al-Fatah” tashkiloti nazorati ostidagi hududlar ham borligi aytilmoqda.

Asosiy hamla Suriya shimoli-g‘arbidagi Jisr ash-Shug‘ur tumaniga to‘g‘ri kelgan. Shaharda harakat qilayotgan jangari guruhlar orasida Rossiyada faoliyati man qilingan “Jabhat an-Nusra” harakati ham bor.
“Jaysh al-Fatah” tashkilotiga a'zo eng yirik guruh “Ahror ash-Shom” deb ataladi. Ushbu guruhlar Lataqiya, Xama va Idlib viloyatlarini egallab turibdi.

Muxolif kuchlarga tegishli Orient News resursining ma'lum qilishicha, Rossiya qo‘shinlari Xama viloyatida turgan ayrim muxolif guruhlarga zarbalar bergan.