Rossiya bosh shtabi: yil oxirigacha YeIda 1 mln muhojir bo‘ladi

Yevropa Ittifoqiga borib o‘rnashadigan qochqinlar miqdori shu yil oxirigacha 1 mln kishiga yetadi. Bu haqda shtab boshlig‘i Valeriy Gerasimovga tayangan holda TASS agentligi xabar bermoqda.

“Ayni paytda Yevroittifoq o‘z davlatlarida 150 ming muhojirni joylashtirishga qaror qildi. Ammo muhojirlar oqimining real ko‘rsatkichlari kattaroqdir. Ayrim ma'lumotlarga qaraganda, shu yilning o‘zida boshpana qidirib qit'aga 1 mln gacha odam kelishi mumkin. Ular orasida Afg‘oniston vakillari ham kam emas”, - ma'lum qildi u.