O‘zbekistonda hafta oxirida harorat keskin pasayadi

Meteorologlar joriy hafta oxirida O‘zbekistonda havo harorati pasayishini prognoz qilishmoqda.

O‘zgidrometning ma'lum qilishicha, O‘zbekiston hududida 15-17 oktabr kunlarida harorat kechasi 8-13 daraja, kunduzi 18-23 daraja bo‘ladi.

18 oktabr kuni esa harorat keskin pasayib, kechasi 2-7 daraja, kunduzi 12-17 darajani tashkil etadi.

Hafta davomida qisqa muddatli yomg‘irlar yog‘ib o‘tadi.

18 oktabr kuni respublikaning tog‘li hududlarida -3 darajagacha sovuq harorat kuzatilishi mumkin.