Qirg‘iziston va Xitoy chegarachilari aeroportlarda qo‘shma operatsiyalar o‘tkazadilar

Qirg‘iziston va Xitoyning chegara idoralari ikki davlat aeroportlaridagi nazorat o‘tkazish punktlarida xavfsizlik masalalari bo‘yicha axborot almashuvini yo‘lga qo‘yadi. Bu haqda Qirg‘iziston vakillari xabar berdi.

Aytilishicha, bu boradagi kelishuv Bishkekda XXRning maxsus delegatsiyasi bilan imzolangan.
“Bundan tashqari, respublikamiz va Xitoy aeroportlarining o‘tkazish punktlarida chegara nazoratini kuchaytirish maqsadida qo‘shma operatsiyalar o‘tkaziladi”, - ma'lum qildi chegara xizmati vakili.