OAV: Suriyada qulagan harbiy samolyot Rossiyaga tegishli

Suriya hududidagi Turkman tog‘lariga qulab tushgan harbiy samolyot Rossiyaga tegishli bo‘lgan. Bu haqda Turkiyaning Haberturk nashri xabar tarqatgan.

Aniqlik kiritilishicha, uchuvchilar samolyot qulashidan oldin samolyotni tark etgan. Ulardan biri ayni vaqtda qidirilmoqda. CNN Turk xabariga ko‘ra, uchuvchi turkmanlar qo‘lida asirlikda.

Ba'zi xabarlarga ko‘ra, Rossiya harbiy havo kuchlariga tegishli Su-24 samolyoti Turkiyaning F-16 samolyoti tomonidan u chegarani buzib o‘tgani uchun urib tushirilgan.