Dovudo‘g‘li Tohir Elchi qotillarini topishga va'da berdi

Turkiya bosh vaziri Ahmat Dovudo‘g‘li Diyorbakr advokatlar uyushmasi rahbari, kurd faoli Tohir Elchining qotillarini topishga va'da berdi. U qotillar Elchini emas, butun Turkiyani nishonga olganini ta'kidladi.

“Bu voqeaga aniqlik kiritiladi. Biz jinoyat fosh etilmay qolishiga yo‘l qo‘ymaymiz”, - ta'kidladi bosh vazir.

Shuningdek, u hukumat voqea bilan bog‘liq ravishda tartibsizlik uyushtirayotganlar ham e'tiborsiz qolmasligini qayd qilib o‘tdi.
Tohir Elchi matbuot anjumani chog‘ida o‘ldirildi. Istanbulda bu qotillikka norozilik sifatida namoyishlar o‘tkazildi.