Jahon | 22:17 / 29.11.2015

17 daqiqa o‘qiladi

Hafta dayjesti: Asosiy xabarlar. Jahon (23-29 noyabr)

Hurmatli o‘quvchilar, e'tiboringizga 24 noyabr kuni jahonda ro‘y bergan eng asosiy yangiliklarni takroran havola etamiz.

OAV: AQSh IShIDning neft ortilgan 280 ta yuk mashinasiga aviazarba berdi>>

Suriyadagi neft ortilgan 280 ta yuk mashinasini yo‘q qildi.

OAV: maxsus xizmatlar bomba A321 bortining qayeriga o‘rnatilganini aniqlashdi>>

Tergovchilar va maxsus xizmat xodimlari Misrda halokatga uchragan Rossiyaning Airbus A321 samolyotining qayeriga portlovchi qurilma o‘rnatilganini aniqlashga muvaffaq bo‘lishdi.

Kerri: mamlakatlarning o‘zaro birlashuvi IShIDni yo‘q qilishda qo‘l keladi>>

AQSh davlat kotibi Jon Kerri NBS telekanaliga bergan intervyusida AQSh va uning ittifoqchilari IShIDga qarshi kurashni yanada kuchaytirishlari lozimligini ta'kidlab o‘tdi.

Rossiya teraktlarda aybdorlar jazolanmaguncha Kaspiy havo hududidan foydalanishni davom ettiradi>>

Rossiya IShID bilan kurashish hamda teraktlarda aybdorlar jazolanmaguncha Kaspiy havo hududidan foydalanishni davom ettiradi.

OAV: Parij yaqinida portlovchi qurilma o‘rnatilgan "shahidlar nimchasi" topildi>>

Parij shahri yaqinidagi hududda o‘rnatilgan chiqindi idishlaridan biridan "shahidlar belbog‘i" topilgan.

Belgiyada metro va maktablar 25 noyabrdan ochiladi>>

Belgiyada poytaxt metrosi va maktablar 25 noyabrdan ochiladi.

Putin va Xominaiy Suriya taqdirini suriyaliklar hal etishi lozimligini ta'kidlashdi>>

Rossiya prezidenti Vladimir Putin va Eron diniy rahnamosi Ali Xominaiy o‘zaro uchrashuv chog‘ida Suriyadagi siyosiy tartibsizlikni chetdan turib hal qilib bo‘lmasligi, buni Suriya xalqining o‘zi hal etishi lozimligini tasdiqlashdi.

BMT bosh kotibi KXDRga bormoqchiligini tasdiqladi>>

BMT bosh kotibi Pan Gi Mun KXDRga tashrif qilish rejasi mavjudligini tasdiqladi.

Obama va Olland AQShdagi uchrashuvda Fransiyaning IShIDga qarshi kurashini kuchaytirishni muhokama qilishadi>>

Oq uy vakili Josh Ernestning ta'kidlashicha, AQSh va Fransiya prezidentlari Barak Obama va Fransua Olland 24 noyabrda Oq uyda bo‘lib o‘tadigan uchrashuvda Fransiyaning IShID terrorchilik guruhiga qarshi harbiy choralarini kuchaytirish va razvedka ma'lumotlari bilan almashish masalalarini muhokama qilishadi.

Amerikaliklar sayohat vaqtida terakt qurboniga aylanishi mumkinligidan ogohlantirilishmoqda>>

AQSh Davlat departamenti amerikaliklarni sayohatlarga chiqish orqali terakt tahdidi ostida qolishlari mumkinligidan ogohlantirmoqda.

Britaniya parlamenti keyingi haftada Suriyadagi harbiy amaliyotlarni boshlash uchun ovoz berishi mumkin>>

Buyuk Britaniya parlamenti mamlakat harbiylarining Suriya hududidagi IShID jangarilariga qarshi harbiy amaliyotlarga kirishishi yoki kirishishmasligi masalasini hal qilish uchun ovoz berishi mumkin.

Oq uy: AQSh Rossiyani IShIDga qarshi koalitsiyaga qo‘shishga tayyor, ammo hozircha Moskva bunga tayyor emas>>

Oq uy vakili Josh Ernestning ma'lum qilishicha, AQSh Rossiyani IShIDga qarshi koalitsiyaga qo‘shishga tayyor, ammo hozircha Moskva bunga tayyor emas.

Rossiyalik dengizchi yuk kemasini katta tezlikda boshqarib, Shotlandiya qirg‘og‘iga borib urildi>>

Rossiyalik dengizchi, 129 metr uzunlikdagi yuk kemasini katta tezlikda boshqarib, Shotlandiyaning g‘arbiy qirg‘og‘idagi qoyaga borib urilgan.

Ekspert: IShID byudjyeti Tojikiston va Qirg‘iziston byudjyetiga teng>>

2015 yilda IShID byudjyeti 2 mlrd dollar miqdorida 250 mln dollar profitsit bilan belgilangan edi.

Belgiya hukumati Bryusseldagi xavfsizlik rejimini bir haftaga uzaytirdi>>

Belgiya bosh vaziri Sharl Mishel Bryusseldagi xavfsizlik rejimi yana bir haftadaga uzaytirilganini ma'lum qildi.

Afina markazida portlash sodir bo‘ldi>>

Gretsiya poytaxti Afina shahri markazidagi tadbirkorlar federatsiyasi binosi yaqinida bomba portladi.

Sinayda portlash yuz berishi natijasida 3 kishi halok bo‘lib, 12 kishi jarohatlandi>>

Misrning Sinay yarim oroli hududida navbatdagi portlashlar yuz berdi va 3 kishi qurbon bo‘ldi.

USA Today: Rossiya va Eronning Suriyadagi maqsadlari boshqa-boshqa>>

Rossiya va Eronni birlashtirib turgan umumiy manfaatlar neft eksporti, yadroviy dastur hamda prezident Bashar Asadni saqlab qolish bilan bog‘liqdir.

OAV: Suriyada harbiy samolyot halokatga uchradi>>

Suriyaning Turkiya chegarasiga yaqin hududida harbiy samolyot halokatga uchradi.

Turk harbiylari: Su-24 samolyoti urib tushirilishidan oldin 10 marta ogohlantirildi>>

Turkiya harbiy amaldorlaridan biri Rossiyaga tegishli Su-24 rusumli bombardimonchi harbiy samolyoti Turkiyaning havo chegaralarini buzib o‘tganidan keyin uni urib tushirishga to‘g‘ri kelganini ma'lum qildi.

Su-24 uchuvchilaridan biri turkmanlarga asir tushdi. Ikkinchisining taqdiri noma'lum>>

Internetda Suriya bilan Turkiya chegarasi hududida turklar tomonidan urib tushirilgan Rossiyaga tegishli Su-24 rusumli harbiy samolyot uchuvchilarining parashyut orqali samolyotni tark etishi va ulardan biri Lataqiyadagi mahalliy aholi (turkmanlar - kun.uz izohi) tomonidan asir olinishi tasvirlari paydo bo‘ldi.

Suriyada rossiyalik jurnalistlar avtomobili o‘qqa tutildi: 3 nafar jurnalist jarohatlangan>>

Suriya hududida rossiyalik jurnalistlar mingan avtomobil o‘qqa tutildi.

"Boing" samolyotining O‘sh aeroportiga noqulay qo‘nishiga dvigatel tizimidagi nosozlik sabab bo‘lgan>>

Qirg‘izistonning O‘sh viloyati hududiga avariyaviy holatda qo‘nishga majbur bo‘lgan «Boing» samolyotida o‘ng dvigatel va gidravlika tizimida kelib chiqqan nosozliklar sabab bo‘lgan.

Belgiya adliya vazirligi: mamlakatda Suriyada borib kelgan 130 jangari bor>>

Ayni kunlarda Belgiya hududida Suriyadagi harbiy to‘qnashuvlarda ishtirok etgan 130 nafar jangari bor.

Saakashvili: Turkiya va Xitoydan kelayotgan yuklar korrupsiyani keltirib chiqarmoqda>>

Odessa bojxonasi Xitoy va Turkiyadan kelayotgan yuklarni qabul qilmaydi, negaki ular korrupsiyaga sababchi bo‘lmoqda.

Kreml: Samolyotimizni urib tushirishgani juda jiddiy hodisa>>

Rossiya Mudofaa vazirligining ma'lum qilishicha, Rossiyaga tegishli Su-24 samolyoti, katta ehtimol bilan, yerdan berilgan zarba oqibatida Suriyada qulagan.

Hurmatli o‘quvchilar, e'tiboringizga 25 noyabr kuni jahonda ro‘y bergan eng asosiy yangiliklarni takroran havola etamiz.

Rossiya FVV: Aviaaloqalar uzilganidan buyon Misrni 90 mingga yaqin rossiyalik tark etdi>>

Rossiya va Misr o‘rtasidagi aviaaloqalarning to‘xtatib turilganidan boshlab hozirgi kunga qadar 89 mingdan ortiqroq rossiyalik Misrni tark etishgan.

Erdo‘g‘an: Turkiya HHK Su-24ga hujum qilishda uning Rossiya samolyoti ekanini bilmagan>>

Turkiya prezidenti Rajab Toyib Erdo‘g‘an Istanbulda bo‘lib o‘tayotgan Xalqaro islom iqtisodiyoti konferensiyasida mamlakat harbiy havo kuchlari Su-24 samolyotiga hujum qilayotgan vaqtda uning Rossiyaga tegishli ekanini bilishmaganini ma'lum qildi.

Putin: Turkiyadagi Rossiya fuqarolari xavf ostida qolishi mumkin>>

Turkiya hududida bo‘lgan Rossiya fuqarolari sezilarli darajada xavf ostida qolishlari mumkin, deya ta'kidlab o‘tdi Rossiya prezidenti Vladimir Putin.

Obama va Erdo‘g‘an: Su-24 samolyotining urib tushirilishiga o‘xshash vaziyat qaytarilmasligi kerak>>

AQSh prezidenti Barak Obama Turkiya prezidenti Rajab Toyib Erdo‘g‘an bilan Rossiyaning Su-24 samolyoti Suriya hududida Turkiyaning F-16 samolyoti tomonidan “havo-havo” raketasi bilan urib tushirilgandan keyingi vaziyatni muhokama qildi

OAV: Rossiya vertolyoti Turkiya orqali AQSh yetkazgan raketa bilan urib tushirildi>>

Rossiyaning 24 noyabr kuni Suriyada urib tushirilgan Mi-8AMTSh vertolyotiga qarshi AQShning BGM-71 TOW tanklarga qarshi kompleksi qo‘llangan.

Medvedev: Rossiya va Turkiyaning do‘stona qo‘shnichilik munosabatlariga putur yetdi>>

Rossiyaning Su-24 samolyotini urib tushirgan Turkiyaning xatti-harakatlari oqibatida ikki davlat o‘rtasidagi do‘stona qo‘shnichilik munosabatlariga putur yetdi.

Ramzon Qodirov urib tushirilgan Su-24 haqida: Turkiya qilmishi uchun pushaymon yeydi>>

Checheniston rahbari Ramzon Qodirov Suriyada urib tushirilgan Su-24 samolyoti bilan bog‘liq vaziyatga izoh berdi.

Guardian: Abdulhamid Abaud Parijda yana teraktlar sodir etmoqchi edi>>

Parijdagi teraktlar tashkilotchsi Abdulhamid Abaud 13 noyabr voqealaridan keyin yana bir katta terakt tayyorlagan.

Uch yil avval Erdo‘g‘an chegarani ahamiyatsiz buzgan samolyotlarni urib tushirmaslik lozimligini aytgan edi>>

Turkiya prezidenti Rajab Toyib Erdo‘g‘an ikkiyuzlamachilik qilganlikda ayblanmoqda.

Fransiya energiya obektlari xavfsiligini oshirmoqda>>

Fransiyaning AESlarida xavfsizlik choralari kuchaytirilmoqda.

Fransiyada talonchilar tomonidan garovga olingan fuqarolar ozod qilindi>>

24 noyabr kuni kechasi, Fransiya shimolidagi Lill shahridan uzoq bo‘lmagan Rube shaharchasida (Belgiya bilan chegaradan 2 km ichkarida) noma'lum shaxslar odamlarni garovga oldi.

Rossiya Mudofaa vazirligi bosh shtabi: “Moskva” kreyseri barcha xavf tug‘diruvchi nishonlarni yo‘q qiladi>>

Rossiya Mudofaa vazirligi bosh shtabi tomonidan Rossiyaning Suriyadagi aviatsiyasi xavfsizligini ta'minlash bo‘yicha qo‘shimcha choralar ishlab chiqilmoqda.

Fransiya Parij terakti vaqtida qo‘lga olingan 124 kishiga nisbatan ayblov e'lon qildi>>

Parij teraktidan so‘ng, Fransiyada e'lon qilingan favqulodda holat paytida politsiya tomonidan 1233 tintuv ishi o‘tkazildi va unda 124 kishi hibsga olinib, ularga nisbatan ayblov e'lon qilindi.

Oq uy: IShID tomonidan AQShga hech qanday aniq tahdidlar yo‘q>>

IShID ekstremistik guruhi terroristlari tomonidan AQShga hech qanday aniq tahdidlar mavjud emas.

Forbes: Su-24ning urib tushirilishi Rossiya va Turkiya o‘rtasida harbiy ixtilofni keltirib chiqarmaydi>>

Rossiya Turkiya tomonidan o‘zining Su-24 samolyoti urib tushirilishiga keskin sharhlar berganiga qaramay, ular o‘rtasida keng miqyosli urush kelib chiqishi ehtimoldan uzoq, deb hisoblaydi Forbes jurnali.

Rossiya Mudofaa vazirligida Turkiyaning harakatlari nodo‘stona harakat deb ataldi>>

Rossiya Mudofaa vazirligi Rossiyaning Su-24 samolyotini urib tushirgan Turkiyaning harakatlarini nodo‘stona harakat deb atadi.

NYT: Qunduzdagi shifoxonaga uyushtirilgan AQSh hujumiga nishonlarning og‘zaki bayon qilingani sabab bo‘lgan>>

AQSh qurolli kuchlari tomonidan Afg‘onistonning Kunduz shahridagi “Chegarasiz shifokorlar” kasalxonasiga aviazarbalar berilishi inson xatosi sababli ro‘y bergan

Rossiya Mudofaa vazirligi Turkiya chegarasi yaqinida ikki nafar rossiyalik harbiyning halok bo‘lganini tasdiqladi>>

Suriyada Turkiya HHK tomonidan urib turishilgan Su-24 samolyotini qidirish-qutqaruv operatsiyasini olib borayotgan Mi-8 vertolyotlaridan biri jangarilar tomonidan nazorat qilinuvchi hududdan o‘qqa tutilishi oqibatida bir nafar Rossiya dengiz piyoda askari halok bo‘ldi.

Suriyada rossiyalik askar vertolyotga hujum chog‘ida halok bo‘ldi>>

Suriyada Su-24 samolyoti uchuvchilarini qutqarish uchun yuborilgan vertolyotga hujum chog‘ida rossiyalik askar halok bo‘ldi.

Tunis hukumati mamlakat poytaxtidagi avtobus portlashida 12 kishi halok bo‘lganini tasdiqladi>>

Tunis poytaxtidagi avtobus portlashi natijasida 12 kishi halok bo‘ldi.

44 mlrd dollarlik zarba: Rossiya va Turkiya o‘rtasidagi ixtilof shuncha zarar keltirishi mumkin>>

Turkiya harbiy samolyoti tomonidan Su-24 samolyoti urib tushirilgandan keyin Rossiya va Turkiya o‘rtasidagi keng ko‘lamli savdo-iqtisodiy aloqalar xavf ostida qolmoqda.

Afg‘onistonda tolibonlar Moldaviya vertolyoti yo‘lovchilarini asir oldi>>

"Tolibon" jangarilari Afg‘onistonning Faryob viloyati hududida Moldaviyaga tegishli vertolyot ekipaji va yo‘lovchilarini garovga olgan.

Hindistondagi suv toshqinlari qurbonlarining soni 176 nafarga yetdi>>

Hindiston janubidagi Tamilnad shtatida tinimsiz yog‘ingarchiliklar keltirib chiqargan suv toshqinlari qurbonlari soni 176 nafarga yetdi

Amerikalik general: Turkiya HHKda Su-24 samolyotini urib tushirishga yetarli asoslar yo‘q edi>>

Turkiya harbiy havo kuchlari Suriya chegaralari hududida Rossiyaning Su-24 samolyotini urib tushirish zarur deb katta xatoga yo‘l qo‘ydi.

Poroshenko ikkinchi muddatga prezidentlikka o‘z nomzodini qo‘yishi mumkinligini aytdi>>

Ukraina prezidenti Pyotr Poroshenko ikkinchi muddatga prezidentlikka o‘z nomzodini qo‘yishi mumkinligini aytdi.

Moskva viloyatida trotil va to‘pponchalarga ega ikki nafar tojikistonlik qo‘lga olindi>>

Moskva viloyatining Leninsk tumanida politsiyachilar trotil portlovchi moddasi va to‘pponchalarga ega, hech qayerda ishlamaydigan ikki nafar tojikistonlikni qo‘lga oldi.

Putin: Rossiya va Fransiya teraktlardan ko‘rgan yo‘qotishlar sa'y-harakatlarni birlashtirishga majbur qilmoqda>>

Rossiya va Fransiya teraktlar tufayli yo‘qotishlari ikki davlatning terrorga qarshi sa'y-harakatlarini birlashtirishga majbur qilmoqda.

Rossiya va Turkiya mudofaa vazirliklari o‘zaro harakatlarning barcha kanallarini uzdilar>>

Rossiya Mudofaa vazirligi va Turkiya Qurolli kuchlari o‘zaro harakatlarning barcha amaldagi kanallarini uzdilar.

Obama Shukronalik kunida amerikaliklarni suriyalik qochqinlarga muruvvatli bo‘lishga chaqirdi>>

AQSh prezidenti Barak Obama o‘zining mamlakatga har haftalik murojaatida suriyalik qochqinlarni qabul qilishni davom ettirish taklifi bilan chiqdi.

Erdo‘g‘an: agar Su-24 Rossiyaga tegishli ekanini bilganimizda, boshqacha yo‘l tutgan bo‘lardik>>

Turkiya prezidenti Rajab Toyib Erdo‘g‘an agar turk tomoni Suriyada urib tushirilgan Su-24 harbiy samolyoti Rossiyaga tegishli bo‘lganini bilganda o‘zini boshqacha tutgan bo‘lardi.

Putin Erdo‘g‘anning turk uchuvchilari urib tushirilgan Su-24 samolyoti Rossiyaga tegishli bo‘lganini bilmagani haqidagi gaplarini bahona deb aytdi>>

Putin Erdo‘g‘anning turk uchuvchilari urib tushirilgan Su-24 samolyoti Rossiyaga tegishli bo‘lganini bilmagani haqidagi gaplarini bahona deb aytdi.

Erdo‘g‘an Putinga 30 noyabrda uchrashishni taklif qildi, biroq hali javob olmadi>>

Turkiya prezidenti Rajab Toyib Erdo‘g‘an Rossiya prezidenti Vladimir Putinga Parijda 30 noyabrda uchrashishni taklif qildi.

Turkiyaning Suriya jangarilariga qurol yetkazib bergani haqida yozgan jurnalistlar qamoqqa olindi>>

Turkiya sudi Cumhuriyet gazetasi bosh muharriri Jan Dyundar hamda muxbir Erdem Gulni hukumat tomonidan Suriyadagi jangarilarga qurol yetkazib berilayotgani haqidagi maqola uchun qamoqqa olishga hukm chiqardi.

Putin: Suriyada yer usti operatsiyalarisiz terrorchilikka qarshi muvaffaqiyatli kurashishning imkoni yo‘q>>

Suriyada yer usti operatsiyalarisiz terrorchilikka qarshi muvaffaqiyatli kurashishning imkoni yo‘q, bu operatsiyani faqatgina Suriya armiyasi ta'minlashi mumkin, deb aytdi Rossiya prezidenti Vladimir Putin Fransiya prezidenti Fransua Olland bilan uchrashuvi natijalariga ko‘ra bergan matbuot-anjumanida.

Sizning maxfiyligingiz biz uchun muhim! 🛡

Hafta dayjesti: Asosiy xabarlar. Jahon (23-29 noyabr)

Oq uy: IShID tomonidan AQShga hech qanday aniq tahdidlar yo‘q>>