"Qayrat" jamoasi Vladimir Vayss bilan shartnomani bekor qildi

Qozog‘istonning "Qayrat" jamoasi bosh murabbiy Vladimir Vayss bilan o‘zaro hamkorlikni to‘xtatdi.

Slovakiyalik ushbu mutaxassis 2012 yilning oxiridan buyon jamoada ishlab, jamoa bilan 3 mavsum davomida 3ta medallar shodasini qo‘lga kiritib, 2 marta mamlakat kubogida g‘alaba qildi. Bundan tashqari, olmaotaliklar jamoasi ushb murabbiy boshchiligida o‘z tarixida ilk marta Yevropa Ligasining saralash bosqichi pley-offida ishtirok etdi.

"Vladimir Vayss murabbiyligida "Qayrat" jamoasi yangi bosqichga ko‘tarildi. Jamoa Vladimir Vayssga minnatdorchilik bildiradi va kelgusi ishlarida muvaffaqiyatlar tilaydi", deyiladi jamoa sayti xabarida.