Paolo Maldini: "Milan"da futbolni tushunadigan odam yo‘q

"Milan" jamoasining sobiq futbolchisi, jamoa safida o‘yin o‘tkazish bo‘yicha rekord o‘rnatgan himoyachi Paolo Maldini jamoa rahbariyatini tanqid qildi. U rahbariyatni futbolni tushunmaslikda ayblagan.

Qayd etish kerakki, yaqin vaqtlargacha Yevropa grandlaridan biri hisoblangan "Milan" oxirgi 2 mavsumda 8 va 10 o‘rinlarni egalladi. Joriy mavsumda o‘tkazilgan 14 turdan keyin esa Sinisha Mixaylovich murabbiyligidagi "rossonerilar" turnir jadvalining 7-o‘rinida joylashishgan.

"Milan"gan futbolni tushunadigan odamlar kerak. Ayni vaqtda esa klubda bunday odam yo‘q. Galliani o‘z ishini yaxshi bajaradi, u yaxshi vitse-prezident hisoblanadi. Lekin unga yaxshi yordamchi kerak. Bunday yordamchidan futbolchilarda jamoaga sadoqat va o‘ziga ishonch uyg‘otish talab qilinadi", deydi sobiq futbolchi La Gazzetta dello Sport nashriga.