Moskvadagi avtobus bekatida portlash yuz berib, 3 kishi jarohatlandi

Moskva shahridagi jamoat transporti bekatida qo‘lbola portlovchi qurilma harakatga keltirildi. Bu haqda huquqni muhofaza qiluvchi organlardagi manbasiga asoslangan holda TASS axborot agentligi xabar tarqatdi.

Manbaning aytishicha, bu hodisa Pokrovka ko‘chasidagi 19 uy qarshisidagi bekatda ro‘y bergan.

"Jamoat transporti bekatlaridan birida qo‘lbola usulda tayyorlangan portlovchi qurilma portlashi tufayli 3 kishi jarohatlangan", deyiladi xabarda.

Ayni vaqtda voqea joyiga qutqaruv va maxsus xizmatlar guruhlari yetib borgan.