Kaliningraddagi mushaklar sotiluvchi do‘konda yong‘in chiqishi natijasida 7 kishi jabrlandi

Rossiyaning Kalinigrad shahridagi "Siti" savdo markazida joylashgan mushaklar sotiluvchi do‘konda yong‘in yuz berib, bir kishi halok bo‘ldi va 7 kishi jarohatlandi. Bu haqda TASS agentligi xabar tarqatdi.

FVVning Kaliningrad viloyati bo‘limi ma'lumotiga ko‘ra, 2 kishi is gazidan zaharlanishi tufayli shifoxonaga yotqizilgan va ularning ahvoli og‘ir.

Yong‘in ushbu savdo markazining birinchi qavatidagi 20 kv m hududdagi maydonini qamragan. Bu vaqtda binodan 150 kishi evakuatsiya qilingan.

Yong‘inni bartaraf qilish ishlariga 50 nafardan ortiq o‘t o‘chiruvchi va 16ta texnik vosita jalb qilingan.

Hozirda yong‘in sabablari o‘rganilmoqda.