Vazir: Fransiyada yana bir teraktning oldi olindi

Fransiya Ichki ishlar vaziri Bernar Kaznev mamlakatda navbatdagi terakt yuz berishining to‘xtatib qolingani haqida ma'lum qildi.

Europe 1 telekanalida ma'lum qilinishicha, jangarilar Orlean shahrida yana bir terakt sodir etmoqchi bo‘lishgandi. Bu yerda huquq tartibor organlari xodimlari nishonda bo‘lgan.

Qayd etilishicha, bu bo‘yicha tekshiruvlar davomida 2 kishi qo‘lga olingan.

Bundan oldinroq, Fransiyada mavjud xavf tufayli cherkovlarni qo‘riqlash kuchaytirilishi haqida ma'lum qilingandi. Hukumat vakillari terrorchilar Yangi yil bayrami arafasida cherkovlarga hujum qilishi mumkinligidan xavotirlanishmoqda.