Tojikiston o‘quvchilari butun yanvar oyi mobaynida ta'tilda bo‘ladi

Tojikiston maorif va fan vaziri Nuriddin Said tomonidan 21 dekabr kuni imzolangan buyruqqa muvofiq umumta'lim maktablari o‘quvchilari 1-31 yanvar kunlarida qishki ta'tilda bo‘ladilar.

Aytilishicha, vazir barcha muassasalar direktorlariga qishki ta'til paytida olimpiada ishtirokchilari uchun qo‘shimcha mashg‘ulotlar tashkil etishni topshirgan.

Shuningdek, hujjatda ta'til kunlari o‘quvchilar tomonidan o‘qilishi lozim bo‘lgan badiiy adabiyot ro‘yxatini tayyorlash tavsiya qilingan.