Kaliforniyada yong‘in oqibatida 4 kvadrat kilometr o‘rmon yonib ketdi

AQShning Kaliforniya shtati janubida yong‘in oqibatida Ventura okrugida 4 kvadrat kilometr o‘rmon yonib ketdi. Bu haqda USA Today nashri ma'lum qildi.

Yong‘in joyida 500 dan ko‘proq o‘t o‘chiruvchi yong‘in bilan kurashmoqda. Yong‘in kuchli shamol tufayli tez yoyilmoqda.

Ta'kidlanishicha, ob-havo mutaxassislari bir necha kun davomida shamol saqlanib qolishini prognoz qilishmoqda.

Yong‘in oqibatida jabrlanganlar haqida ma'lumotlar berilmagan. Aholini evakuatsiya qilish ishlari olib borilmoqda, yo‘llarning bir qismi xavfsizlik maqsadida yopib qo‘yilgan.