Saudiya Arabistoni Eronni terrorizmni rag‘batlantirishda aybladi

Saudiya Arabistoni Tashqi ishlar vazirligining rasmiy vakili Eronni terrorizmni qo‘llab-quvvatlashda va mintaqadagi vaziyatni izdan chiqarishga harakat qilishda aybladi. Bu haqda Daily Mail xabar qilgan.

"Eron o‘zi terrorizmni qo‘llab-quvvatlab, o‘z aybini boshqalarga yuklaydigan dunyodagi yagona davlat. Eron hukumati BMT va boshqa davlatlar tomonidan qoralangan tashkilotlarga homiylik qilishda davom etmoqda", deydi u.

U shuningdek, Eron hukumatini yuzsizlikda va inson huquqlari sharmandalarcha buzishda ayblagan.

Bundan oldinroq, AQSh Davlat departamenti Saudiya Arabistonida shialar yetakchisining qatl etilishi mintaqadagi vaziyatga salbiy ta'sir qilishi mumkinligidan xavotirlanayotgani to‘g‘risida xabar berilgandi.