O‘zbek olimlari yigiruv mashinasining diskretlash barabanchasini ixtiro qilishdi

To‘qimachilik sanoatida foydalaniladigan yangi qurilma yaratildi. Qurilma pnevmomexanik yigiruv mashinasining diskretlash barabanchasi bo‘lib, u Toshkent to‘qimachilik va yengil sanoat instituti xodimlari tomonidan ishlab chiqilgan.

Mazkur model to‘qimachilik sanoatida foydalanish uchun mo‘ljallangan. Uning vazifasi diskretizatsiyalash jarayonida xom ip tolalariga diskretizatsiyalash barabanchasi tishlarining ketma-ket, ehtiyotkor ta'sirini ta'minlash, shuningdek, tolalarning alohida guruhlarga birlashuvini oldini olib, ip sifatini oshirishdan iborat.

"Ushbu qurilma mualliflari K.Jumaniyazov, A.Dj.Djurayev, K.Gofurov va O.X.Madraximovga patent berildi", deyiladi Intellektual mulk agentligi xabarida.