Yaman bosh vaziri Adanga qaytdi

Yaman bosh vaziri Xolid Baxo o‘z mahkamasi vakillari bilan birgalikda Adanga qaytib keldi.

Ta'kidlanishicha, u mamlakatda “qonuniy hukumat” o‘rnatish maqsadida qaytib kelganini aytgan.

Saudiya Arabistoni boshchiligidagi Fors ko‘rfazi arab davlatlarining harbiy koalitsiya tomonidan isyonchi xusiylarga qarshi uyushtirilgan operatsiya doirasida Yamanning katta qismida amaldagi hukumat nazorati o‘rnatildi va endilikda bir necha oylar muqaddam mamlakatni tashlab ketgan bosh vazir o‘z mahkamasi bilan birga qaytib keldi.